putik mancang keuneng uroe
angen tampoe patah cadeuen
siat hudep ateuh bumoe
beuna thee droe mandum ureung
bak ibadat bek le laloe
dang-dang nanggroe Tuhan linteung
kiban bala rata sagoe
tapi tanyoe manteng ta heung
manteng jahe aneuk nanggroe
di peuget droe cukop me ung
di sok bajee kiban heut droe
tan soe hiroe ngen peureumeun
abeh anco dara jinoe
di peuget droe lagee rangkeuem
keupeu guna ta top asoe
oh gop pantoe deuh peurincuen
le takalen meunan bagoe
maka jinoe lon teujeut kheun
luweu keutat nibak asoe
malam uroe na soe rayueng
adak jula oh di puwoe
poma adoe senyum-senyum
pajan geu thee oh na cuco
lahe keudroe di yup rinyeun
hana reudok dalam nanggroe
geu thee dudoe oh rhet ujeuen
nyan umpama lon peusampoe
moga tanyoe meuphom mandum
aneuk dara jameuen jinoe
neu eu keudroe kiban me ung
asai hp na lam jaroe
tan pre uroe, teu greuheung-greuheung
ho yang di jak pajan yang jiwoe
ka adat droe ngen peukateuen
likot agam di sadeu droe
ken ngen lakoe di meu uem-uem
ateuh honda mat-mat jaroe
cukop ragoe sinyak buleuen
katroh di jak rata sagoe
hingga sampoe troh u bireuen
hana pike laba rugoe
dara jinoe, kreuh tuleung rhueng
baro teulah singeh dudoe
payah di moe sinyak buleuen
lahe aneuk hana lakoe
malee keudroe di keu ureung
goh ta pubuet wahe adoe
laba ngen rugoe ta peuyum-peuyum
SUMBER
REKAMAN RADIO MUTIARA BEUREUNUEN
Tidak ada komentar:
Posting Komentar